5 երկիր Հաագայի քրեական դատարանի միջոցով պահանջել է հետաքննել Իսրայելի հանցագործությունները
Հաագայի միջազգային քրեական դատարանի դատախազ Քարիմ Խանը հայտնել է, որ հինգ երկրներից դիմում է ստացել՝ Պաղեստինի տարածքում իրավիճակը (Գազայի հատվածում Սիոնիստական ռեժիմի հանցագործությունները) հետաքննելու համար։
Միջազգային քրեական դատարանի դատախազը հայտարարել է, որ այս դիմումը Հաագայի քրեական դատարան են ներկայացրել Հարավային Աֆրիկան, Բանգլադեշը, Բոլիվիան, Կոմորը և Ջիբութին։
Reuters-ի փոխանցմամբ՝ Հաագայի դատախազության հայտարարության մեջ ասվում է. «Այս կառույցը հավաքագրել է բազմաթիվ փաստաթղթեր և ապացույցեր Պաղեստինի տարածքում (Գազայի հատվածում) (պատերազմական) հանցագործություններ կատարելու մասին»։
Սիոնիստական ռեժիմը Հաագայի քրեական դատարանի անդամ չէ և չի ճանաչում այս դատարանը։
Հատուկ հանգամանքներում, ինչպիսին է ռազմական հանցագործության կատարումը, Հաագայի դատարանը կարող է հետաքննել (հարցաքննել) այս դատարանի անդամ չհանդիսացող երկրների քաղաքացիներին։
2015 թվականից Պաղեստինը (Հորդանան գետի արևմտյան ափը և Գազայի հատվածը) ներառվել է այն երկրների ցանկում, որոնք ճանաչում են Միջազգային քրեական դատարանը։
Գազայում խաղաղ բնակավայրերի ռմբակոծությունն ու գնդակոծությունը շարունակվում է, և մինչ այժմ նահատակվել է ավելի քան 12 հազար պաղեստինցի, որոնց մեծ մասը կանայք, երեխաներ և ծերեր են, մինչդեռ Գազայի հատվածը շրջափակված է Սիոնիստական ռեժիմի կողմից և այնտեղ հումանիտար իրավիճակը աղետալի է։