Պուտինն ասել է՝ ով է Ռուսաստանի թշնամին
Ուկրաինան Ռուսաստանի թշնամին չէ, թշնամին նա է, ով ցանկանում է մարտի դաշտում հասնել Ռուսաստանի ռազմավարական պարտությանը, ով ցանկանում է ոչնչացնել ռուսական պետականությունը, ասել է ՌԴ նախագահ Վլադիմիր Պուտինը։ Այս մասին գրում է ՌԻԱ «Նովոստի»-ն:
«Դա այդպես է եղել դարեր շարունակ և, ցավոք, շարունակվում է նաև հիմա, ինքը՝ Ուկրաինան, մեր թշնամին չէ: Բայց թշնամի են նրանք, ովքեր ցանկանում են ոչնչացնել ռուսական պետականությունը, նրանք, ովքեր ցանկանում են հասնել, ինչպես ասում են, Ռուսաստանի ռազմավարական պարտությանը մարտի դաշտում, և դա հիմնականում Արևմուտքն է: Կան, այսպես կոչված, էլիտաներ, որոնց համար Ռուսաստանի գոյությունը՝ ներկայիս որակով և ներկայիս չափերով, ինչպես իրենք են կարծում, անընդունելի է»,- ասել է Պուտինը Վիշնևսկի զինվորական հոսպիտալում զինվորականների հետ հանդիպման ժամանակ։