Էրդողանը ցավակցություն է հայտնել Իրանում տեղի ունեցած պայթյունների կապակցությամբ
Հունվար 03, 2024 16:53 Asia/Tehran
Թուրքիայի նախագահ Ռեջեփ Թայիփ Էրդողանը ցավակցություն է հայտնել Իրանի Քերման նահանգում տեղի ունեցած պայթյունների հետևանքով բազմաթիվ զոհերի և վիրավորների կապակցությամբ, հայտնում է Anadolu-ն։
Թուրքիայի նախագահը սոցցանցերում համապատասխան հրապարակում է տարածել։
«Մենք խորապես վշտացած ենք Իրանի Քերման նահանգում տեղի ունեցած սարսափելի ահաբեկչությունների պատճառով։ Ահաբեկչությունների հետևանքով զոհվածներին մաղթում եմ Բարձրյալի ողորմածությունը, իսկ վիրավորներին՝ շուտափույթ ապաքինում։ Իմ ցավակցությունն եմ հայտնում Իրանի բարեկամ և եղբայրական ժողովրդին»,- ասվում է ուղերձում։
Վերջին տվյալներով, Իրանում Ղասեմ Սուլեյմանիի գերեզմանի մոտ տեղի ունեցած երկու պայթյունների զոհերի թիվը գերազանցել է 100-ը։
Պիտակ
