Մեկնաբանություն-Սիոնիզմն ԻԼԻՊ-ի կաշվի տակ

Մինչ ԻԼԻՊ-ը ստանձնել է չորեքշաբթի օրն Իրանի Քերման նագանգում տեղի ունեցած ահաբեկչական պայթյունների պատասխանատվությունը, առկա են բազմաթիվ ապացույցներ, որ ԱՄՆ-ն ու Սիոնիստական ռեժիմն աջակցում են այս խմբավորմանը:

Չորեքշաբթի օրը, երբ Իրանում և շատ այլ երկրներում մարդիկ հարգում էին Ղասեմ Սոլեյմանիի հիշատակը, Քերման նահանգում տեղի ունեցան երկու պայթյուններ:

Հաշվի առնելով տարածաշրջանի իրավիճակը և այն, որ Սիոնիստական ռեժիմը ձգտում է  ընդլայնել Գազայի պատերազմը, և Իրանին ներքաշել հակամարտության մեջ, այս ահաբեկչական գործողությունից հետո բոլոր հայացքներն ուղղվեցին դեպի Իսրայել և Մոսադ:

Սիոնիստները հերքում են իրենց կապն ահաբեկչական պայթյունների հետ: Wall Street Journal-ը նույնպես գրել է, որ Թել Ավիվը որևէ առընչություն չի ունեցել Քերմանի պայթյունների հետ:

Սակայն հաշվի առնելով Իրանի անվտանգությունը խաթարելու նպատակով ահաբեկչական խմբավորումների հետ ռեժիմի համագործակցության անցյալը, պարզ է դառնում, որ այս պնդումները չեն համապատասխանում իրականությանը:

2014 թվականին Սիրիայում պատերազմի ամենաթեժ պահին  Foreign Policy  ամսագիրը գրեց, որ Սիոնիստական ռեժիմը գաղտնի շփվել է Սիրիայի հարավում գտնվող զինված խմբավորումների հետ և նույնիսկ իր հիվանդանոցներում բուժել նրանց վիրավորներին։

2019 թվականին Սիոնիստական բանակի շտաբի պետ Գադի Էյզենկոտը խոստովանեց, որ Թել Ավիվը Սիրիայում ահաբեկիչներին զինել է «թեթև զենքով»՝ «ինքնապաշտպանվելու համար»։

Սիոնիստական ռեժիմը տասնյակ հարձակումներ է իրականացրել ահաբեկչական խմբավորումների դեմ պայքարող սիրիական բանակի դիրքերի վրա, այդպիսով նույնպես աջակցելով ահաբեկիչներին:

Ռեժիմի կողմից իրանցի միջուկային գիտնականների սպանությունից բացի, Իրանի Իսլամական Հանրապետության իշխանությունները բազմիցս ներկայացրել են ահաբեկչական խմբավորումների և Սիոնիստական ռեժիմի միջև սերտ հարաբերությունների մասին հիմնավոր ապացույցներ:

ԱՄՆ-ն, որը հայտարարում է, թե պայքարում էր ԻԼԻՊ-ի դեմ,  հանդիսատեսի դերում էր, երբ այս ահաբեկչական խմբավորումը ներխուժեց Իրաք և Սիրիա և գրավեց այս երկու երկրների տարածքները: Սակայն երբ այդ երկրի հայացքն ուղղվեց գեներալ Սոլեյմանիի և նրա հրամանատարության տակ գտնվող Դիմադրության ուժերի կողմը, Վաշինգտոնը հանկարծ հայտարարեց, որ պայքարում է ԻԼԻՊ-ի դեմ և ստեղծում «միջազգային կոալիցիա»՝ չորացնելու ահաբեկչության արմատները։

Միացյալ Նահանգների նախկին նախագահ Դոնալդ Թրամփը, ով 2016 թվականի ընտրություններում մրցում էր այն ժամանակվա պետքարտուղար Հիլարի Քլինթոնի հետ, բազմիցս մեղադրել է վերջինիս  և նախկին նախագահ Բարաք Օբամային՝ ԻԼԻՊ-ի ստեղծման գործում դերակատարություն ունենալու մեջ։

2016 թվականի օգոստոսին Թրամփը Ֆլորիդայում իր կողմնակիցների հետ հանդիպման ժամանակ հայտարարեց. «ԻԼԻՊ-ը գովաբանում է նախագահ Օբամային։ Նա ԻԼԻՊ-ի հիմնադիրն է։ Ուզում եմ ասել, որ Հիլարի Քլինթոնը գուցե օգնել է նրան»:

ԻԼԻՊ-ի դեմ Դիմադրության ուժերի պայքարի ընթացքում բազմաթիվ տեղեկություններ են ստացվել, որ ԱՄՆ-ն բեռնատար ինքնաթիռներով օգնություն է ուղարկել ահաբեկիչներին, ինչպես նաև թիրախավորել Դիմադրության ուժերի դիրքերը։ Ամերիկացիներն ԻԼԻՊ-ի դեմ պայքարի պատրվակով գրավել են Սիրիայի որոշ հատվածներ և այս երկրի նավթագազային հանքավայրերը։

Գեներալ Սոլեյմանիի նկատմամբ ամերիկացիների և սիոնիստների ատելությունն ու զայրույթը, ով պատասխանատու էր ահաբեկիչների միջոցով տարածաշրջանի երկրներն ապակայունացնելու   նրանց ծրագրերի ձախողման համար,  գաղտնիք չէ, և նույնիսկ գեներալի սպանությունից հետո նրանք շարունակում են վրեժ լուծել  նրանից և նրա անթիվ համախոհներից։

Սիոնիստական ռեժիմը, որի վրա ճնշում է գործադրվում՝ Գազայում պատերազմը դադարեցնելու համար, դիմում է  ամեն քայլի՝ հայացքներն իր պատերազմական հանցագործություններից շեղելու կամ հակամարտությունն այլ տարածք տեղափոխելու համար։ 

Իրանը, սակայն, չի խաղացել սիոնիստների դաշտում, չի ընկել ծուղակը և պահել է պատասխանի երկու բաղադրիչները՝ «ժամանակը» և «ձևը»։

Չնայած Սիոնիստական ռեժիմի ահաբեկչական գործողություններին, Դիմադրությունն առաջատար է տարածաշրջանում: Երեք ամիս տևած պատերազմից հետո պաղեստինցի մարտիկները շարունակում են կռվել սիոնիստների դեմ և հրթիռակոծել Թել Ավիվն ու գրավյալ տարածքները:

Բռնազավթված Պաղեստինի հյուսիսում Սիոնիստական ռեժիմի հենակետերը Հեզբոլլահի հարձակումների թիրախում են, Եմենը շարունակում է թիրախավորել այս ռեժիմի տնտեսական ռեսուրսները, քանի դեռ Էյլաթ նավահանգիստը չի դատարկվել նավերից, իսկ իրաքյան Դիմադրությունը շարունակում է հարձակվել ամերիկյան բազաների վրա։