Ստամբուլում անհայտ անձինք հարձակվել են կաթոլիկ եկեղեցու վրա. կա զոհ

Երկու հարձակվողները դիմակավորված են եղել և «մասնակցել» են կիրակնօրյա աղոթքին։

Ստամբուլում երկու անհայտ անձինք պատարագի ժամանակ հարձակվել են կաթոլիկ եկեղեցու վրա, հայտնում են թուրքական լրատվամիջոցները:

Թուրքիայի ՆԳՆ ղեկավար Ալի Երլիկայան հայտարարել է, որ հարձակման հետևանքով մեկ զոհ կա։

 Հարձակվողները դիմակավորված են եղել և «մասնակցել» են կիրակնօրյա աղոթքին։

Երլիկայան հայտնել է հարձակման գործով լայնամասշտաբ հետաքննության մասին, հարձակվողների նկատմամբ հետախուզում է հայտարարվել:

CNN Türk հեռուստաալիքի հաղորդմամբ՝ հարձակվողները կրակել են ինքնաձիգներից։

Թուրքիայի նախագահ Ռեջեփ Թայիփ Էրդողանը դատապարտել է Ստամբուլի կաթոլիկ եկեղեցում տեղի ունեցած միջադեպը և  վստահեցրել, որ հարձակումն իրականացրած անձինք 24 ժամվա ընթացքում կկալանավորվեն, հաղորդում է A-haber հեռուստաալիքը։

 Ես իմ ցավակցությունն եմ հայտնում հասարակությանը.-ասել է Էրդողանը։