Եվրոպայում բողոքի ցույցերը շարունակվում են Գազայի հատվածում Սիոնիստական ռեժիմի հանցագործությունների դեմ
Եվրոպական երկրներում շարունակվում են Գազայի հատվածում Իսրայելի ցեղասպան ռեժիմի հանցագործությունների դեմ ժողովրդական ցույցերը։
Անցած օրերին եվրոպական մի շարք երկրների բնակիչներ հավաքվել են փողոցներում և վանկարկելով հակասիոնիստական կարգախոսներ՝ բողոքել են Գազայի հատվածում Իսրայելի ցեղասպան ռեժիմի հանցագործությունների, ինչպես նաև իՊաղեստինի ժողովրդի դեմ ցեղասպանության նկատմամբ իրենց երկրների պետական այրերի լռության դեմ։
Ավստրիայի մայրաքաղաք Վիեննայում ցուցարարները կրելով Պաղեստինի դրոշներ, ինչպես նաև պաստառներ, որոնց վրա գրված էր՝ «Դադարեցրեք ցեղասպանությունը», «Ազատություն Գազայում» և «Իսրայել, ահաբեկիչ» հավաքվել էին Մարիահիլֆերի փողոցում։
Իտալիայի մայրաքաղաք Հռոմ քաղաքում, չնայած հորդառատ անձրեւին, ցույց է անցկացվել և ցուցարարները դատապարտել են Իսրայելի հարձակումները Գազայի հատվածի վրա։
Շվեյցարիայի Ժնև քաղաքում հազարավոր մարդիկ նույնպես հավաքվել էին «Դես Կրուտես» զբոսայգու հրապարակում՝ համերաշխություն հայտնելու պաղեստինցի ժողովրդին։
Ֆրանսիայի մայրաքաղաք Փարիզում մարդիկ հավաքվել են Հանրապետության հրապարակում և պահանջել են անհապաղ հրադադար հաստատել Գազայի հատվածում։
Գերմանիայի մայրաքաղաք Բեռլինում ցույց է անցկացվել Ինվալիդեն այգում, և «Դադարեցրեք այս պատերազմը» կարգախոսով կառավարությունից պահանջել են դադարեցնել Իսրայելին աջակցությունը։
Ցուցարարները քաղաքի կենտրոնում երթ անցկացնելով, դատապարտել են Եվրոպայի պետական այրերի լռությունը Իսրայելի հանցագործությունների նկատմամբ։
