Ադրբեջանը Նախիջևանում զորավարժություններ է անցկացնում
Առանձին համակցված բանակում (Նախիջևան) անցկացվում են մարտավարական և հատուկ զորավարժություններ՝ «Սաստիկ ցրտահարության պայմաններում մարտական գործողությունների անցկացում» թեմայով։
Ինչպես հայտնում է ԱՊԱ-ն՝ Ադրբեջանի ՊՆ-ին հղումով, մարտավարական գործողությունների ընթացքում հատուկ նշանակության ջոկատները իրականացրել են դիրքեր գրոհելու առաջադրանք՝ խավարի քողի տակ ներթափանցելով կեղծ հակառակորդի թիկունք։
«Անձնակազմը զբաղվել է ժայռամագլցմամբ և լեռներից իջնելով մալուխներով,ինչպես նաև ծայրահեղ պայմաններում վիրավորներին ժայռերից տարհանում։ Հատուկ նշանակության ստորաբաժանումները հակառակորդի հետ անսպասելի բախման առաջադրանքներ են կատարել հակառակորդի խորքում, ձնառատ և անտառապատ տարածքներում և հակառակորդից հեռու գտնվող դժվարին տեղանքում: Մարտավարական և հատուկ վարժանքների ընթացքում իրականացվել են որոնողական աշխատանքներ, առաջին բուժօգնություն ցուցաբերելու, ձնառատ հատվածներում ձնահոսքի հետևանքով տուժածներին և անհայտ կորածներին տարհանելու գործողություններ»,- մեջբերում է լրատվամիջոցը։