Պակիստան․ Մենք ԱՄՆ-ին ռազմաբազա չենք տվել և չենք պատրաստվում տալ
Մայիս 08, 2024 12:45 Asia/Tehran
Պակիստանի Ռավալպինդի քաղաքում կայացած մամուլի ասուլիսում, բանակի խոսնակը հայտարարել է, որ Իսլամաբադն ԱՄՆ-ին ռազմակայան չի տրամադրել և չի պատրաստվում տրամադրել։
Գեներալ-մայոր Ահմեդ Շարիֆ Չաուդրին, հերքելով շրջանառվող այն լուրերը, թե Իսլամաբադը 2 բազա է տրամադրել ԱՄՆ-ին, հայտարարել է, որ Պակիստանն իր ռազմակայանները ոչ մեկին չի տրամադրել։
Նա նաև նշել է, որ Բելուջիստանի հարավ-արևմուտքում և հյուսիս-արևմուտքում գտնվող Խայբեր Փախտունխվայում ԱՄՆ-ին ռազմաբազա տրամադրելու մասին լուրերն անհիմ են։
Ավելի վաղ սոցցանցերում տարածվել էին չհաստատված տեղեկություններ այն մասին, թե Վաշինգտոնը խնդրել է Իսլամաբադին երկու ռազմակայան տրամադրել՝ Իրանին, Աֆղանստանին և Չինաստանին հետևելու համար:
Աղբյուր.
«Անատոլու» լրատվական գործակալություն