Չինաստանը քննադատել է ՄԱԳԱՏԷ-ին Իրանի միջուկային ծրագրի դեմ ընդունած բանաձեւի համար
Ատոմային էներգիայի միջազգային գործակալությունում Չինաստանի մշտական ներկայացուցիչը քննադատել է գործակալությանը Իրանի միջուկային ծրագրի դեմ բանաձեւին հավանություն տալու համար։
Չինական «Սինհուա» լրատվական գործակալության փոխանցմամբ՝ Չորեքշաբթի օրը Վիեննայում Ատոմային էներգիայի միջազգային գործակալությունում Չինաստանի մշտական ներկայացուցիչ Լի Սունգն ասել է,-«Առճակատումը չի լուծի Իրանի միջուկային հարցը և միայն կթուլացնի Ատոմային էներգիայի միջազգային գործակալության և Իրանի համագործակցության ոգին, և դա ավելի կբարդացնի իրավիճակը»։
Լի Սունգը հավելել է. «Ատոմային էներգիայի միջազգային գործակալության գլխավոր տնօրեն Ռաֆայել Գրոսսին անցյալ տարվա մայիսի սկզբին հաջող ուղևորություն ունեցավ Իրան և խոսեց իրանական կողմի հետ կառուցողական խորհրդակցությունների մասին, և որ երկու կողմերը պարտավորվել են հավատարիմ մնալ երաշխիքների համաձայնագրին»։
Ատոմային էներգիայի միջազգային գործակալությունում Չինաստանի մշտական ներկայացուցիչը կարևորել է վերադառնալ 2015 թվականի միջուկային համաձայնագրին, որը պաշտոնապես կոչվում է ՀԳՀԾ։ Նա ասել է,- «Ամերիկան, որպես ՀԳՀԾ-ն խափանող կողմ, պետք է ցույց տա իր ազնվությունը և բոլոր կողմերի հետ պետք է համագործակցի դրա լիարժեք և արդյունավետ իրականացման հիմքերը վերականգնելու համար»։
Չինացի այս պաշտոնյան բոլոր կողմերին կոչ է արել հանգիստ և պատասխանատու մոտեցմամբ դիտարկել ներկա իրավիճակը և լուրջ քայլեր ձեռնարկել՝ աջակցելու գործակալության և Իրանի միջև համագործակցության ամրապնդմանը և քաղաքական ու դիվանագիտական ջանքեր գործադրել Իրանի միջուկային հարցը ճիշտ հուն վերադարձնելու համար։
Շարունակվելով Իրանի միջուկային ծրագրի դեմ արևմտյան երկրների թշնամական քայլերը՝ Ատոմային էներգիայի միջազգային գործակալության առավարիչների խորհրդում հավանության է արժանացել երեք եվրոպական երկրների՝ Բրիտանիայի, Ֆրանսիայի և Գերմանիայի կողմից Իրանի խաղաղ միջուկային ծրագրի դեմ առաջարկված բանաձեւը։
Այս երեք երկրների առաջարկած բանաձեւում, որը հաստատվել է ձայների 20 կողմ, երկու դեմ եւ 12 ձեռնպահ հարաբերակցությամբ՝ առանց անդրադառնալու ՄԱԳԱՏԷ-ի հետ Իրանի համագործակցությանը, Թեհրանից պահանջվոմ է «անհրաժեշտ և հրատապ միջոցներ ձեռնարկել՝ անվտանգային խնդիրները լուծելու ուղղությամբ»։