Հաագայի դատարանի գլխավոր դատախազը պահանջել է ձերբակալել Նեթանյահուին և Գալանտին
Միջազգային քրեական դատարանի գլխավոր դատախազը դատարանի դատավորներին կոչ է արել անհապաղ արձակել Իսրայելի վարչապետ Բենիամին Նեթանյահուին և պատերազմի նախարար Յոավ Գալանտին ձերբակալելու վճիռ։
ԻՌՆԱ-ի հաղորդմամբ՝ նշելով, որ դատարանն իրավասու է զբաղվել իսրայելցիների ռազմական հանցագործությունների գործով, Քարիմ Խանը Հաագայի դատարանի դատավորներին կոչ է արել հնարավորինս շուտ արձակել Նեթանյահուի և Գալանտի ձերբակալության վճիռը։
Նա ասել է․ «Այս պատերազմական հանցագործությունների գործով ցանկացած չարդարացված ձգձգում խախտում է զոհերի իրավունքները»:
Նշելով, որ մի շարք տրամաբանական պատճառներով Նեթանյահուն պատասխանատու է օկուպացված պաղեստինյան տարածքներում ռազմական հանցագործությունների և մարդկության դեմ հանցագործությունների համար, Քարիմ Խանն ասել է․ «Միջազգային քրեական դատարանի դատավորների համար Սիոնիստական ռեժիմի պաշտոնյաների ձերբակալության օրդեր տրամադրելու որոշման կապակցությամբ ժամկետ չի սահմանվել»։
Քարիմ Խանը պահանջում է ձերբակալել Սիոնիստական ռեժիմի բարձրաստիճան պաշտոնյաներին տարբեր մեղադրանքների հիմամբ, այդ թվում՝ պաղեստինցի խաղաղ բնակիչների դիտավորյալ թիրախավորումը:
Նախորդ ամիս, արձագանքելով Հաագայի դատարանում Իսրայելի հանցագործությունների հետաքննությանը, Նեթանյահուն հայտարարեց, որ դա վիրավորանք է պատմության համար։
Հաագայի դատարանը ձայների 13 կողմ և 2 դեմ հարաբերակցությամբ կայացրել է վճիռ, որը պահանջում է անհապաղ դադարեցնել Սիոնիստական ռեժիմի ռազմական գործողությունները Գազայի հարավում գտնվող Ռաֆահի անցակետում և վերաբացել այն՝ մարդասիրական օգնության մուտքը Գազայի հատված ապահովելու համար։
