Մոսկվան զգուշացրել է Ասիա-խաղաղօվկիանոսյան տարածաշրջանում կոալիցիա ստեղծելու Արևմուտքի փորձի մասին
Վլադիվոստոկում կայացած 9-րդ Արևելյան տնտեսական ֆորումի շրջանակներում, ՌԴ ԱԳՆ խոսնակ Մարիա Զախարովան հայտարարել է․ «Արևմուտքն Ասիա-խաղաղօվկիանոսյան տարածաշրջանում ՆԱՏՕ-ի նման ագրեսիվ և ռազմական բնույթի դաշինքներ է սետղծում՝ եվրասիական տարածաշրջանը վերահսկելու համար»։
2023 թվականի նոյեմբերի կեսերին ՌԴ ԱԳ նախարար Սերգեյ Լավրովը հայտարարել էր, որ Արևմուտքը ռազմականացնում է Հարավարևելյան Ասիան՝ փորձելով զսպել Ռուսաստանին և Չինաստանին։
Նա ասել էր․ «Հնդխաղաղօվկիանոսյան ռազմավարության միջոցով Ջո Բայդենը փորձում է շրջանցել տարածաշրջանային համագործակցության կառույցները և ռազմականացնել տարածաշրջանը՝ կենտրոնանալով Չինաստանին և Ասիա-խաղաղօվկիանոսյան տարածաշրջանում Ռուսաստանին զսպելու նպատակով»:
Ավելի վաղ, դիմելով Հարավարևելյան Ասիայի երկրների առաջնորդներին, Ջո Բայդենը խոսել էր ԱՄՆ-ի և տարածաշրջանի միջև «համապարփակ ռազմավարական գործընկերության» մասին՝ պնդելով, որ Վաշինգտոնը հավատարիմ է ազատ և բաց, կայուն, բարգավաճ, ճկուն և ապահով Ասիա-խաղաղօվկիանոսյան տարածաշրջանի կառուցմանը:
Վաշինգտոնին մտահոգում է այն հանգամանքը, որ Ռուսաստանն ու Չինաստանը, որոնց այդ երկիրն անվանում է ռեվիզիոնիստական տերություններ, մարտահրավեր են նետել միջազգային լիբերալ կարգին, որի գոյատևման ստեղծողն ու աջակիցն է արևմտյան աշխարհն ու խաթարում են Արևմուտքի դարավոր հեղինակությունն ամբողջ աշխարհում, հատկապես Հնդկ-խաղաղօվկիանոսյան տարածաշրջանում:
Հետևաբար, Չինաստանի ռազմական հզորության աճը և Ռուսաստանի և Չինաստանի միջև Ասիա-խաղաղօվկիանոսյան տարածաշրջանում համատեղ ռազմածովային ու օդային համագործակցությունն ու զորավարժությունները մտահոգում են Արևմուտքին։
Համաշխարհային ասպարեզում միշտ միակողմանի մոտեցում ցուցաբերած և այլ երկրների շահերը խարխլելու գնով իր շահերն ու նպատակներն առաջ տանող Միացյալ Նահանգների տեսանկյունից դա անընդունելի է, հետևաբար, այդ երկիրը փորձում է հնարավորինս սահմանափակել և թուլացնել նոր գլոբալ խաղացողներ Չինաստանին և Ռուսաստանին։
Այդ նպատակով, ԱՄՆ-ն Չինաստանի նկատմամբ առևտրային պատերազմ է վարում, Ասիա-խաղաղօվկիանոսյան տարածաշրջանում ստեղծում անվտանգության և ռազմական դաշինքներ։
Իսկ Ռուսաստանի դեպքում, ԱՄՆ-ն փորձում է թուլացնել այդ երկրին՝ Ուկրաինայում պատերազմը ձգձելով։
Այնուամենայնիվ, համաշխարհային միտումների ուսումնասիրությունը վկայում է արևելյան և եվրասիական տարածաշրջանի երկրների հզորության շոշափելի աճի և մյուս կողմից ԱՄՆ-ի գլխավորությամբ Արևմուտքի անկման մասին։
Աղբյուր՝ Sahab ցանց
