Լոս Անջելեսում անտառային հրդեհներ են մոլեգնում

Լոս Անջելեսի մերձակայքում մոլեգնում են անտառային հրդեհները, որոնք պատճառ են դարձել զանգվածային տարհանումների՝ ջերմաստիճանի բարձրացման պատճառով:

Չոր պայմանների և աննախադեպ շոգի պատճառով կրակն այրել է մոտ 28 քառակուսի կիլոմետր խոտածածկ տարածքներ ու մարգագետիններ, ինչի հետևանքով թանձր ծուխ է տարածվել ողջ տարածաշրջանում։

Ավելի քան 500 հրշեջներ պայքարում են կրակի դեմ։

Օդերևութաբանության ազգային ծառայությունը ուրբաթ օրը հաղորդել է Լոս Անջելեսի կենտրոնում 44 Ցելսիուսի աստիճան ռեկորդային ջերմաստիճանի մասին, որը 1877 թվականից ի վեր երրորդ այդպիսի ռեկորդն է: