Փեզեշքյան․ Իրանի ուղերձն աշխարհին խաղաղությունն ու անվտանգությունն է
ԻԻՀ նախագահ Մասուդ Փեզեշքյանի գլխավորած բարձրաստիճան պատվիրակությունը ժամանել է Նյու Յորք։ ԻԻՀ նախագահը ելույթ կունենա ՄԱԿ-ի 79-րդ Գլխավոր ասամբլեայում։
Ջոն Քենեդու անվան օդանավակայանում լրագրողների հետ ճեպազրույցում, ԻԻՀ նախագահն ընդգծել է, որ Իրանի ուղերձն աշխարհին խաղաղությունն ու անվտանգությունն է:
Պատասխանելով լրագրողի այն հարցին, թե որո՞նք են ամենակարևոր հարցերը, որոնց մասին նա խոսելու է օտարերկրյա պաշտոնյաների հետ իր հանդիպումներում, Փեզեշքյանն ասել է․ «Իրանի ուղձրն աշխարհին խաղաղությունը և անվտանգությունն է, ինչպես նաև այս տարի ՄԱԿ-ի հայտարարած կարգախոսի իրականացումը՝ խաղաղություն և զարգացման հնարավորությամբ ապագա՝ բոլոր մարդկանց համար»։
Նշելով, որ արյունահեղության, պատերազմի և սպանությունների փոխարեն պետք է ստեղծել մի աշխարհ, որտեղ բոլոր մարդիկ կարող են ապրել հանգիստ՝ անկախ իրենց գույնից, ռասայից, էթնիկ պատկանելությունից և տարածաշրջանից, Փեզեշքյանը հավելել է․ «Ցավոք, աշխարհը, որտեղ մենք ապրում ենք, այդպիսին չէ։ Իսկ երկակի չափանիշների համաձայն՝ ոմանք լավն են, ոմանք էլ վատը։ Արդյունքում խնդիրներ են առաջացել։ Բոլոր մարդիկ պետք է ունենան այս մոլորակի վրա ապրելու հավասար հնարավորություն»։
Այցի ընթացքում ԻԻՀ նախագահը ելույթ կունենա ՄԱԿ-ի գլխավոր ասամբլեայում, «Ապագայի գագաթաժողովի» ղեկավարների հանդիպմանը և հանդիպումներ կունենա մի շարք երկրների ղեկավարների հգետ։
Փեզեշքյանը հանդիպումներ կունենա նաև ԱՄՆ քաղաքական, սոցիալական, կրոնական և մեդիա ոլորտի ներկայացուցիների հետ և կներկայացնի տարբեր հարցերի վերաբերյալ Իրանի դիրքորոշումներն ու կպատասխանի նարնց հարցերին։
Մեկնելուց առաջ, լրագորղների հետ ճեպազրույցում, Փեզեշքյանն ասել էր․ «Հույս ունեմ Նյու Յորքում դառնալ լինել Իրանի ժողովրդի, ինչպես նաև արդարության և արդարության ձայնը»:
