ԱՄՆ-ն ցանկանում է Արևելյան Ասիայում երկրորդ Մերձավոր Արևելք ստեղծե՞լ
Արևելյան Ասիայում ԱՄՆ-ի միջամտողական քաղաքականությունն մտահոգում է որոշ փորձագետների։
Չինացի շմի շարք փորձագետներ Հարավարևելյան Ասիայի պետությունների ասոցիացիայի (ԱՍԵԱՆ) հանդիպման շրջանակում անդրադառնալով ԱՄՆ-ի քաղաքականությանը, մտահոգություն են հայտնել, որ Վաշինգտոնը հակամարտություն ստեղծելով, այս տարածաշրջանը կվերածի երկրորդ Մերձավոր Արևելքի։
Pars Today-ի փոխանցմամբ՝ Հարավային Չինաստանի ծովային հետազոտությունների ազգային ինստիտուտի Համաշխարհային ռազմածովային հետազոտությունների կենտրոնի տնօրեն Չեն Սյանմյաոն ասել է. «Թեև Հարավարևելյան Ասիայի տարածաշրջանում իրավիճակը ներկայումս խաղաղ է, ԱՍԵԱՆ-ի անդամները մտահոգված են, որ եթե ԱՄՆ-ը հակամարտություն ստեղծի տարածաշրջանում, այն կարող է վերածվել «երկրորդ Մերձավոր Արևելքի»:
ASEAN-ի երկրները, որոնք հետևում են Մերձավոր Արևելքում աճող լարվածությանը և Ռուսաստանի և Ուկրաինայի միջև հակամարտությանը, այս գագաթաժողովի շրջանակում հնարավորություն ունեն քննարկել ճգնաժամերի կառավարման ուղիները:
Չենը հավելել է. «Հարավչինական ծովում վեճերի լուծման գործընթացին օտարերկրացիների միջամտությունը միայն կվատթարացնի իրավիճակը»։
«Ֆրանս պրեսին» տված հարցազրույցում Պեկինի բարձրաստիճան պաշտոնյան ընդգծել է, որ Ճապոնիայի նոր վարչապետ Շիգերու Իշիբան ԱՍԵԱՆ-ի նիստի շրջանակներում կհանդիպի անդամ երկրների ղեկավարների հետ՝ քննարկելու ասիական ՆԱՏՕ-ի ստեղծման գաղափարը:
ԱՍԵԱՆ-ը արավարևելյան Ասիայի 10 երկրների խումբ է, որը ստեղծվել է 1967 թվականի օգոստոսի 8-ին՝ Թաիլանդի, Սինգապուրի, Ֆիլիպինների, Մալայզիայի և Ինդոնեզիայի կողմից։ Հետագայում խմբին միացել են նաև Վիետնամը, Մյանմարը, Լաոսը, Կամբոջան և Բրունեյը։
Խմբի անդամ երկրները, բնակչության մեծ թվով և հարաբերական կայունությամբ, գտնվում են տնտեսական աճի և շահութաբերության համար անհրաժեշտ ռեսուրսներով լի տարածաշրջանում: