Արևմուտքը ստեղծել է երկակի քաղաքականությամբ և խտրականությամբ լի աշխարհ

Parstoday- ՄԱԿ-ի զեկուցողը խստորեն քննադատել է «խտրականությունը և երկակի ստանդարտները», որոնք հանգեցրել են աշխարհի տարբեր մասերում պաղեստինամետ ելույթների ու բողոքների սահմանափակմանն ու ճնշմանը:

ՄԱԿ-ի անկախ փորձագետ Իրնե Խանը քննադատել է Սիոնիստական ​​ռեժիմի հանցագործությունները և հայտարարել, որ Իսրայելը վայելում է բացարձակ անձեռնմխելիություն և ամենաթողություն։ Ինչպես հաղորդում է Parstoday-ը՝ մեջբերելով Isna-ն, Իրնե Խանը, անդրադառնալով Ամերիկայում և եվրոպական այլ երկրներում Պաղեստինի կողմնակիցների բողոքի ցույցերը ճնշելուն, հավելել է. «Գազայի պատերազմի ժամանակ, ավելի քան ցանկացած այլ պատերազմ վերջին տարիներում, խոսքի ազատությունը վտանգված է եղել, և լրագրողները թիրախ են դարձել»։

«Նախկինում սոցիալական հարթակները փրկության միջոց էին Գազայի հետ հաղորդակցվելու համար, մինչդեռ հիմա մենք ականատես ենք լինում ԶԼՄ-ներում ապատեղեկատվության, ստերի և ատելության խոսքի աճին»-, ասաց ՄԱԿ-ի փորձագետը։

Միևնույն ժամանակ, ռազմական փորձագետ, Ռուսաստանի «ԱՊՀ»  ինստիտուտի առաջատար փորձագետ Վլադիմիր Իոսիևը, հաստատելով Արևմտյան Ասիայի նկատմամբ Արևմուտքի հակասական քաղաքականությունը գործնականում և խոսքում, ասաց, որ արևմուտքցիները Անգլիայի և ԱՄՆ-ի գլխավորությամբ հետևում են նման մոտեցմանը, մոտեցում, որտեղ Իսրայելի լոբբին մեծ ազդեցություն ունի։

Իսոսիևը պարզաբանել է. «Արևմտյան որոշ երկրներ հանրային կարծիքի դաշտում քարոզչական շոու են ունենում և երբեմն խոսքերով դատապարտում Իսրայելին, բայց իրականում նրանք մտածում են միայն հանցավոր Նեթանյահուի ռեժիմը պաշտպանելու մասին և ապահովում են այդ ռեժիմին անհրաժեշտ զենքերը Գազայում, Լիբանանում և Սիրիայում խաղաղ բնակիչներին սպանելու համար»։

Ի բողոք Արևմուտքի այս գործելաոճի դեմ, աշխարհի մյուս ծայրում Զապորոժիայի շրջանի նահանգապետը քննադատեց Ատոմային էներգիայի միջազգային գործակալության պաշտոնյաներին այս շրջանի ատոմակայանի շարունակական գնդակոծման հարցում Ուկրաինային պատասխանատվության չենթարկելու համար։

Զապորոժիայի շրջանի նահանգապետ Եվգենի Բալիցկին ասել է, որ Ատոմային էներգիայի միջազգային գործակալությունը անկախ կառույց չէ և կատարում է այլոց հանձնարարությունները, և այդ պատճառով դեռ չի բացահայտել Զապորոժիայի ԱԷԿ-ի հրթիռակոծման գլխավոր հեղինակին։

Նա հավելել է. «Այն դեպքում, երբ ՄԱԳԱՏԵ-ի անձնակազմի և ղեկավարների աշխատավարձերը վճարվում են եվրոպական իշխանությունների կողմից, գործակալությունը չի կարող անկախ լինել»։