National Interest-ը խոստովանում է. «Snapback»-ի իրականացումը հեշտ չէ
Pars Today - Միջազգային մի հրատարակություն գրել է ավտոմատ պատժամիջոցների վերադարձի մեխանիզմի կամ «snapback»-ի ակտիվացման մասին՝ նշելով, որ «snapback» մեխանիզմի շրջանակներում Իրանի Իսլամական Հանրապետության դեմ պատժամիջոցների վերադարձի համար կան բազմաթիվ խոչընդոտներ, և եթե այն չակտիվացվի, Արևմուտքը լուրջ խնդիրների կբախվի Իրանի դեմ նոր պատժամիջոցներ սահմանելու հարցում։
«National Interest» ամսագիրը մի հոդվածում գրել է. «Դոնալդ Թրամփի առաջին վարչակազմի օրոք Միացյալ Նահանգները միակողմանիորեն վերականգնեց Իրանի նկատմամբ տնտեսական պատժամիջոցները, բայց հիմա Եվրոպան է, որ պետք է առաջատար դեր խաղա ՄԱԿ-ի Անվտանգության խորհրդում միջազգային զենքի և միջուկային պատժամիջոցների վերականգնման գործում: Այս սահմանափակումները, որոնք Իրանի հետ անցյալում կնքված միջուկային համաձայնագրի մաս էին կազմում, արագորեն սպառվում են»:
Արևմտյան այս հրատարակությունը հավելել է. «Եթե Արևմուտքը գործողություններ չձեռնարկի նշված ժամկետում, Իրանի դեմ ՄԱԿ-ի Անվտանգության խորհրդի պատժամիջոցները, այդ թվում՝ զենքի, հրթիռային և միջուկային պատժամիջոցները, վերականգնելու հնարավորությունը ընդմիշտ կկորչի, և Անվտանգության խորհուրդը պաշտոնապես կփակի իրանի միջուկային թղթածրարը»։