ՌԴ-ում Հայաստանի և Իրանի դեսպանները քննարկել են տարածաշրջանում տիրող իրավիճակը
Կողմերը քննարկել են Հայաստանի և Իրանի երկկողմ հարաբերություններին առնչվող հարցերի լայն շրջանակ:
Ռուսաստանում Հայաստանի և Իրանի դեսպանները` Գուրգեն Արսենյանը և Քազեմ Ջալալին, քննարկել են տարածաշրջանում տիրող իրավիճակը։ Տեղեկությունը հայտնում է ՌԴ–ում Հայաստանի դեսպանությունը։
«Կողմերը ջերմ մթնոլորտում քննարկել են Հայաստանի և Իրանի երկկողմ հարաբերություններին առնչվող հարցերի լայն շրջանակ, մտքեր են փոխանակվել նաև տարածաշրջանում առկա իրավիճակի շուրջ», - ասված է հաղորդագրության մեջ:
Այսօր Երևանում հանդիպում է կայացել նաև ՀՀ փոխվարչապետ Մհեր Գրիգորյանի և Հայաստանում Իրանի դեսպան Մեհդի Սոբհանիի միջև։ Նրանք քննարկել են տարածաշրջանում տրանսպորտային հաղորդակցությունների ապաշրջափակման հեռանկարները:
Հիշեցնենք, որ ՀՀ վարչապետ Նիկոլ Փաշինյանը հուլիսի 16-ին կայացած ասուլիսի ժամանակ չբացառեց, որ Ադրբեջանից Սյունիքի մարզով դեպի Նախիջևան ճանապարհի կառավարումը կարող է փոխանցվել մասնավոր ընկերության: Վարչապետը նշեց, որ ճանապարհի արտապատվիրակմամբ հետաքրքրված է ոչ միայն ԱՄՆ-ն, այլև ԵՄ-ն։