Brexit-ի պատճառով աղքատացել են աշխարհի 400 ամենահարուստ մարդիկ
Brexit-ի պատճառով աշխարհի 400 ամենահարուստ մարդիկ կորցրել են 127.4 միլիարդ դոլար` Մեծ Բրիտանիայում հանրաքվեի արդյունքների ֆոնի վրա բաժնետոմսերի համաշխարհային շուկաներում տատանումների պատճառով, հայտնում է Bloomberg-ը:
«Աշխարհի 400 ամենահարուստ մարդիկ ուրբաթ օրը կորցրել են 127.4 միլիարդ դոլար, երբ բաժնետոմսերի համաշխարհային շուկաները տատանվել են այն նորության պատճառով, որ բրիտանացիները որոշել են լքել Եվրամիությունը»,- ասված է հաղորդագրությունում: Ինչպես նշվում է, միլիարդատերերը Brexit-ի պատճառով կորցել են իրենց 3.9 տրիլիոն դոլար համընդհանուր կարողության 3.2%-ը:
Այսպես, ամենաշատը կորցրել է եվրոպացի գործարար Ամանսիո Օրտեգան` ավելի քան 6 միլիարդ դոլար: Ավելի քան մեկ միլիարդ դոլար են կորցրել Բիլ Գեյթսը, Ջեֆ Բեզոսը և Մեծ Բրիտանիայի ամենահարուստ մարդը` Ջերարդ Քավենդիշ Գրոսվենորը:
