Թրամփը սպառնում է գրավել Վաշինգտոնը
ԱՄՆ նախագահ Դոնալդ Թրամփը սպառնացել է դաշնային ուժերով գրավել մայրաքաղաքը, եթե Վաշինգտոնի քաղաքապետը շարունակի հրապարակել «սխալ» հանցագործությունների վիճակագրություն։
«Վաշինգտոնը կրկին անվտանգ է։ Ազգային գվարդիան և քաղաքային ոստիկանությունը հիանալի աշխատանք են կատարում, և խաբեություն չկա։ Եթե քաղաքապետ Մյուրիել Բաուզերը անմիջապես չդադարի կեղծ վիճակագրություն տրամադրել, վատ բաներ կպատահեն, այդ թվում՝ քաղաքի լիակատար և ամբողջական գրավումը դաշնային կառավարության կողմից», - այս մասին ուրբաթ օրը գրել է Թրամփը իր սոցիալական էջում։
Իրանի ռադիո-հեռուստատեսության գործակալության հաղորդմամբ՝ ԱՄՆ նախագահը այս ամսվա սկզբին Վաշինգտոն է տեղակայել Ազգային գվարդիան և վերահսկողություն է հաստատել Մետրոպոլիտենի ոստիկանության նկատմամբ։ Նրա վարչակազմը հայտարարել է, որ այս միջոցառումների նպատակն է պայքարել հանցագործության դեմ և կարգավորել անօթևանության իրավիճակը։
Սակայն Թրամփի որոշումը լայն արձագանք է ստացել տեղական պաշտոնյաների և բնակիչների կողմից՝ հարցեր առաջացնելով դաշնային կառավարության իրավական լիազորությունների և քաղաքային ինքնիշխանության սահմանների վերաբերյալ։