Ինչո՞ւ է Թրամփը փորձում քրեականացնել ամերիկյան դրոշի այրումը

Pars Today – ԱՄՆ նախագահ Դոնալդ Թրամփը ստորագրել է գործադիր հրամանագիր, որով դաշնային դատախազներին պարտավորեցնում  է քրեական մեղադրանքներ առաջադրել այն անձանց նկատմամբ, ովքեր բողոքի ցույցերի ժամանակ այրում են ամերիկյան դրոշը կամ անարգալից վերաբերմունք են ցուցաբերում դրա նկատմամբ։

Որոշումը, որը կայացվել է պահպանողականների բազայի աջակցությունը ստանալու նպատակով,  լայն արձագանքներ է առաջացրել, քանի որ այն հակասում է Գերագույն դատարանի 1989 թվականի «Տեխաս ընդդեմ Ջոնսոնի» գործով պատմական որոշմանը, որը դրոշի այրումը ճանաչել է որպես քաղաքական արտահայտման ձև, և պաշտպանված է ԱՄՆ Սահմանադրության Առաջին փոփոխությամբ։

Մասնագետները կարծում են, որ Թրամփը բազմակողմանի դրդապատճառներով է նման որոշում կայացրել, որոնք են՝ ընտրողների շրջանում բորբոքել ազգայնական և հայրենասիրական զգացմունքները, արձագանքել վերջին բողոքի ցույցերին, մասնավորապես՝ հակաիսրայելական և հակամիգրացիոն ակցիաներին, և փորձել մարտահրավեր նետել դատական ​​անկախությանը և նույնիսկ հնարավոր է՝ վերանայման ենթարկել 1989 թվականի որոշումը, հաշվի առնելով Գերագույն դատարանի պահպանողական կազմը։

Այնուամենայնիվ, իրավաբանները շեշտում են, որ Թրամփի գործադիր հրամանագիրը լուրջ իրավական խոչընդոտների է բախվում։ «Դրոշի այրումը քաղաքական բողոքի ձև է, և կառավարությունը չի կարող այն քրեականացնել պարզապես այն պատճառով, որ այն վիրավորական է», - ասել է Քաղաքացիական իրավունքների և արտահայտման հիմնադրամի փաստաբան Ռոբերտ Քորն-Ռիվերը։ Հետևաբար, քիչ հավանական է, որ այս քայլը կանխի դրոշի այրումը ինչպես երկրում, այնպես էլ արտերկրում։