Կանանց սպանության 11% աճ. Մակրոնը վերջին վեց տասնամյակների «ամենավատ նախագահն» է
Pars Today - Մակրոնի նախկին խորհրդականը նրան անվանել է Ֆրանսիայի «ամենավատ» նախագահն ավելի քան 60 տարվա ընթացքում՝ 1958 թվականին Հինգերորդ Հանրապետության հաստատումից ի վեր։
Politico ամսագիրը հինգշաբթի օրը, մեջբերելով Ֆրանսիայի նախագահ Էմանուել Մակրոնի նախկին խորհրդական, գործարար՝ Ալեն Մինքի խոսքերը, գրել է. «Մակրոնը երկիրը թողնում է շատ ավելի վատ վիճակում, քան իշխանության գալու ժամանակ։ Նա Ֆրանսիայում թողնում է քաղաքական դաշտ, որը կարող է հավերժ անկայուն լինել»։ Pars Today-ի փոխանցմամբ՝ Ֆրանսիայի նախագահի նախկին խորհրդականը Մակրոնին համարել է երկրի քաղաքական անկայունության աղբյուր և հավելել, որ միայն աջակողմյան «Ազգային միավորում» կուսակցությունն ունի հնարավորություն հաղթելու հաջորդ նախագահական ընտրություններում և հետագայում խորհրդարանական մեծամասնություն ստանալու։
Այս առումով, անցյալ շաբաթ հրապարակված «Էլբ»-ի հարցման արդյունքները ցույց են տվել, որ Ֆրանսիայում նախագահական ընտրություններ անցկացվելու դեպքում, ծայրահեղ աջակողմյան «Ազգային միավորում» կուսակցությունը կհաղթի ձայների 35 տոկոսով։ Հարցման արդյունքների համաձայն՝ «Ազգային միավորում» կուսակցության ներկայացուցիչ Ջորդան Բարդելան բարձրացել է չորս միավորով՝ ձեռք բերելով 35 տոկոս ժողովրդականություն, մինչդեռ կենտրոնամետ կուսակցության ներկայացուցիչ Էդուարդ Ֆիլիպը հինգ միավորով, ժողովրդականությունը հասել է 15.5 տոկոսի: Հաջորդ հորիզոնականներում են նաև «Ֆրանսիայի անկախություն» կուսակցության ներկայացուցիչ Ժան-Լյուկ Մելանշոնը և Սոցիալիստական կուսակցության ներկայացուցիչ Ռաֆայել Գլյուքսմանը։
Միջազգային քաղաքականության ոլորտում Փարիզը և Մեխիկոն շաբաթ օրը համաձայնության եկան ընդլայնել իրենց տնտեսական և մշակութային համագործակցությունն ու ռազմավարական դաշինքը՝ 11 տարվա ընթացքում Մեքսիկա կատարած Մակրոնի առաջին այցի ժամանակ: Մակրոնի խոսքով՝ Մեքսիկայում գործող 700 ֆրանսիական ընկերություններ կշարունակեն ներդրումներ կատարել և աշխատատեղեր ստեղծել, հատկապես ավիատիեզերական ոլորտում: Մեքսիկայի նախագահ Կլաուդիա Շեյնբաումը նաև նշել է, որ Մեքսիկայի և Եվրամիության միջև ազատ առևտրի համաձայնագրի երկարաձգումը 2026 թվականին, որը համընկնում է Մեքսիկայի և Ֆրանսիայի միջև դիվանագիտական հարաբերությունների երկուհարյուրամյակի հետ, նոր հնարավորություններ կընձեռի տնտեսական համագործակցության համար: Հարկ է նշել, որ ԱՄՆ-ի մաքսային պատերազմի թեժ պահին Մեքսիկայի կառավարությունը փորձում է ամրապնդել իր առևտրային հարաբերությունները Եվրոպայի հետ։
Տնտեսական ոլորտում Renault-ի ավագ մենեջեր Ֆաբրիս Կամբոլիոն անցյալ շաբաթ հայտարարեց, որ ընկերությունը բանակցություններ է վարում ավելի շատ ավտոարտադրողների հետ, այդ թվում՝ չինական Chery ընկերության հետ, Հարավային Ամերիկայում մեքենաների համատեղ արտադրության և վաճառքի գործակցություններն ուսումնասիրելու համար: Chery-ն նախատեսում է օգտագործել Renault-ի գործարանը Կոլումբիայում՝ բենզինով աշխատող մեքենաներ արտադրելու համար: Այս մեքենաների մեծ մասը կվաճառվի Renault ապրանքանիշի ներքո, իսկ մի փոքր մասը՝ Chery ապրանքանիշի ներքո:
Այնուամենայնիվ, 2024 թվականին երկրում կանանց սպանության մակարդակի վերաբերյալ Ֆրանսիայի կառավարության կողմից հրապարակված վերջին պաշտոնական վիճակագրությունը ցույց է տալիս այս երևույթի 11 տոկոս աճ: Սակայն այս դժբախտ երևույթի վրա ամենաշատ ուշադրությունը գրավել է 70 տարեկանից բարձր զոհերի թվի զգալի աճը։ France Bleu լրատվական կայքը հայտնել է. «2024 թվականին ֆրանսիացի զույգերի շրջանում գրանցվել է սպանության 403 փորձ, որի հետևանքով մահացել է 107 կին։ Զոհերի մեկ քառորդը 70 տարեկանից բարձր կանայք էին։ Զեկույցի համաձայն՝ սպանված կանանց 47 տոկոսը մահից առաջ հայտնել է իր զուգընկերոջ կողմից բռնի վարքի մասին, և այդ դեպքերի մեծ մասի համար նույնիսկ պաշտոնական բողոք է ներկայացվել»։