Արաղչի. Իմ այցը Բաքու տեղի ունեցավ շատ հարմար ժամանակ

Իրանի ԱԳ նախարար Աբբաս Արաղչին ադրբեջանցի գործընկերոջ Ջեյհուն Բայրամովի հետ համատեղ մամուլի ասուլիսում հայտարարել է.

• Ամենակարևոր պայմանավորվածությունը երկու երկրների միջև երկխոսությունների, խորհրդակցությունների և դիվանագիտական փոխանակումների ընդլայնումն էր։
•  Մենք անհամբեր սպասում ենք Թեհրանում հյուրընկալել Ադրբեջանի նախագահ Իլհամ Ալիևին և արտաքին գործերի նախարար Ջեյհոն Բայրամովին։
•  Մենք վճռական ենք ընդլայնել մեր հարաբերությունները Ադրբեջանի հետ բոլոր ուղղություններով։
•  Ուրախ ենք, որ Ադրբեջանի և Հայաստանի միջև հարաբերությունները դրական առաջխաղացում ունեն։ Մենք աջակցում ենք երկու երկրների միջև խաղաղության գործընթացին և անկախությանը։ Ես մեծ նշանակություն եմ տալիս 3+3 մեխանիզմին։
•  Ադրբեջանի առաջարկը՝ «3+3» ձևաչափի հաջորդ նիստը Բաքվում, ապա՝ մյուսը Երևանում անցկացնելու վերաբերյալ, լավ առաջարկ է, և մենք աջակցում ենք այս առաջարկին և կարծում ենք, որ դա լավ նախաձեռնություն է, որը կարող է ամրապնդել և ավելի արդյունավետ դարձնել 3+3 մեխանիզմը։