Պուտինը և Էրդողանը քննարկել են Հարավային Կովկասում խաղաղության գործընթացը

Աշխաբադում կայացած բանակցությունների ընթացքում Պուտինը և Էրդողանը քննարկել են Հարավային Կովկասում խաղաղության գործընթացը, ինչպես նաև Պաղեստինում և Սիրիայում ստեղծված իրավիճակը, հայտնել են Թուրքիայի նախագահի աշխատակազմից։

ՌԴ նախագահի մամուլի խոսնակ Դմիտրի Պեսկովը ավելի վաղ նշել էր, որ Ռուսաստանի և Թուրքիայի առաջնորդները քննարկել են ԵՄ-ի՝ ռուսական ակտիվներով մեծածավալ խարդախություն իրականացնելու ցանկությունը։ Նրանք նշել են, որ երկու երկրների հարաբերությունները զարգանում են բոլոր ոլորտներում։ Առաջնորդները ընդգծել են, որ Ռուսաստանի և Թուրքիայի միջև հարաբերություններում էական խնդիրներ չկան։

Կողմերը նաև մտքեր են փոխանակել ուկրաինական հարցի շուրջ։