Մեր բանшկն այժմ ի վիճակի է կատարել ցանկացած խնդիր. Ալիև
Հինգ տարի առաջ «Հայրենական պատերազմում մեր տարած պատմական հաղթանակը» հավերժ կմնա մեզ հետ։ Մենք վերջ դրեցինք երեսնամյա «հայկական օկուպացիային և վերականգնեցինք մեր տարածքային ամբողջականությունը», ինքնիշխանությունը և ազգային արժանապատվությունը, հայտարարել է Իլհամ Ալիևը ամանորյա ուղերձում։
«Վերջին 5 տարվա ընթացքում Ադրբեջանի զինված ուժերը զգալիորեն ամրապնդել են իրենց հզորությունը։ Հագեցած նոր զենքերով և սարքավորումներով, մեր բանակն այժմ ի վիճակի է կատարել ցանկացած խնդիր։ Մենք նոր պատերազմի չենք պատրաստվում։ Մեզ համար պատերազմները անցյալի մասունք են։ Սակայն ժամանակակից աշխարհում յուրաքանչյուր երկիր նախևառաջ պետք է լրջորեն մտածի իր սեփական անվտանգության մասին։ Միջազգային իրավունքը այլևս կիրառելի չէ այսօրվա աշխարհում. շատ երկրներ ընդունել են «ուժը արդարացնում է» սկզբունքը։ Ամբողջ աշխարհում ընթանում է լայնածավալ սպառազինման գործընթաց։ Նման իրավիճակում մենք պետք է ցանկացած պահի պատրաստ լինենք պատշաճ կերպով պաշտպանել մեր տարածքային ամբողջականությունը, ինքնիշխանությունը և մեր ընտրությունը», - նշել է Ադրբեջանի նախագահը։
