ՄԱԿ. Կուբայի նավթային շրջափակումը մարդու իրավունքների խախտում է

ՄԱԿ-ի մարդու իրավունքների գերագույն հանձնակատար Վոլկեր Թուրքը քննադատել է Կուբայի դեմ ԱՄՆ-ի նավթային էմբարգոն և նշել, որ այդ միջոցառումները հանգեցրել են երկրում սոցիալ-տնտեսական ճգնաժամի սրմանը, և մարդու իրավունքների խախտում են։

ՄԱԿ-ի պաշտոնյաների խոսքով՝ նավթի փոխադրման և էներգետիկ ռեսուրսների վերահսկողության վերջին սահմանափակումները լրջորեն խաթարել են Կուբայի նավթից կախված երկրի տնտեսությունը և ճնշում են գործադրել քաղաքացիների կյանքի վրա։

Հղում անելով New York Times-ին, ԻՌՆԱ-ն հաղորդում է, որ մարդու իրավունքների գերագույն հանձնակատարի խոսնակն ընդգծել է, որ քաղաքական նպատակները չեն կարող արդարացնել այն միջոցառումները, որոնք ուղղակիորեն թիրախավորում են մարդկանց կենցաղը, և կոչ է արել վերացնել Կուբայի նավթի մատակարարման ցանկացած խոչընդոտ։