Մեդվեդև. Եվրոպան և ԱՄՆ-ն առավել քան երբևէ պառակտված են
ՌԴ Անվտանգության խորհրդի փոխնախագահը հայտարարել է, որ Եվրոպան և ԱՄՆ-ն առավել քան երբևէ պառակտված են։
Tasnim-ի փոխանցմամբ՝ ՌԴ ԱԽ փոխնախագահ Դմիտրի Մեդվեդևը հինգշաբթի օրը հայտարարել է. «Այսօր Եվրոպան և ԱՄՆ-ն, վերջին 100 տարվա ընթացքում առավել քան երբևէ պառակտված են»։
Նա հավելել է. «Եվրոպան հատուկ ռազմական գործողությունն օգտագործեց որպես պատրվակ՝ իր հակառուսական դիրքորոշումը ուժեղացնելու համար, չնայած որ որևէ պատճառ չուներ նման մասշտաբով «Ուկրաինայի պաշտպանությանը միջամտելու» համար»։
ՌԻԱ Նովոստիի հաղորդման համաձայն՝ Մեդվեդևը ասել է. «Եվրամիության կողմից հայտարարված «հակա-հատուկ ռազմական գործողության» ոչ մի նպատակ չի իրականացվել»։
ՌԴ Անվտանգության խորհրդի փոխնախագահը նաև ասել է. «Գերմանիայի քաղաքական ղեկավարությունն այժմ պաշտոնապես հայտարարել է Ռուսաստանին «ռազմավարական պարտություն» պարտադրելու իր նպատակի մասին։ Երկրորդ համաշխարհային պատերազմում պարտությունից հետո Գերմանիայի զանգվածային վրեժխնդրության քաղաքականությունը պաշտոնական ձև է ստացել»։
Նա ընդգծել է. «Գերմանիայում միջուկային զենքի ի հայտ գալը և հնարավոր տեղակայումը մտահոգություն կառաջացնի Միացյալ Նահանգներում։ Գերմանիայի միջուկային զենքի նկատմամբ հակումը պատճառ կդառնա Մոսկվայի համար՝ կիրառելու բոլոր հնարավոր պատասխան միջոցները»։