ՇՀԿ նիստի ավարտին 9 որոշումների շրջանակում ստորագրվել է 25 փաստաթուղթ

ՇՀԿ անդամ երկրների ԱԳ նախարարները նիստի ավարտին ստորագրել են 25 փաստաթուղթ՝ 9 որոշումների շրջանակում։ Այս փաստաթղթերը հաստատվել են կազմակերպության անդամների միջև քաղաքական, անվտանգության և տնտեսական համագործակցության զարգացման նպատակով։

Ինչպես հայտնում է Pars Today-ը, ԻԻՀ ԱԳՆ խոսնակ Էսմայիլ Բաղային X-ում հրապարակած հաղորդագրությունում ընդգծել է, որ Իրանի Իսլամական Հանրապետությունը առանձնահատուկ կարևորություն է տալիս Շանհայի համագործակցության կազմակերպությանը և այլ բազմակողմ մեխանիզմներին։
Նա հավելել է, որ այն պայմաններում, երբ միակողմանիությունը, պայմանագրերի խախտումը և ուժի կիրառումը թուլացրել են ՄԱԿ-ի կանոնադրության սկզբունքներն ու միջազգային իրավական կարգը, Շանհայի համագործակցության կազմակերպությունը և նմանատիպ կառույցները առանցքային դեր են խաղում իրական բազմակողմանիության ամրապնդման գործում։