ԱՄՆ սենատոր. Թրամփի վարչակազմը չունի հստակ ռազմավարություն Իրանի դեմ պատերազմում
Արիզոնայից դեմոկրատ սենատոր Մարկ Քելլին քննադատել է Դոնալդ Թրամփի վարչակազմի կողմից Իրանի դեմ պատերազմը կառավարելու ձևը՝ ասելով, որ վարչակազմի պաշտոնյաները շփոթված են այս հակամարտության նպատակների և գործընթացի հարցում:
Նա ընդգծել է, որ հայտարարված նպատակների պարբերաբար փոփոխությունը՝ քաղաքական համակարգի փոփոխությունից մինչև միջուկային, հրթիռային և ռազմածովային հարցեր, վկայում է հստակ ռազմավարության բացակայության մասին:
Pars Today-ի փոխանցմամբ՝ Մարկ Քելլին նաև քննադատել է պատերազմի տնտեսական ծախսերը՝ ասելով, որ մինչ շատ ամերիկացի քաղաքացիներ բախվում են կենսապահովման, բնակարանի վարձավճարի և սննդի ծախսերի աճի խնդիրների, Թրամփի վարչակազմը մտել է ծախսատար պատերազմի մեջ: Անդրադառնալով ԱՄՆ բանակի զինամթերքի պաշարների նվազմանը՝ նա երկրի պատերազմի նախարարին անվանել է հեղինակազուրկ և հավելել, որ այդ զենքերի պաշարի վերականգնումը տարիներ կտևի: Անդրադառնալով Պաշտպանության նախարարության կողմից Իրանի դեմ գործողությունները շարունակելու համար լրացուցիչ 67 միլիարդ դոլարի բյուջեի պահանջին, Քելլին նաև այս ծախսը գնահատեց որպես ոչ տրամաբանական՝ հաշվի առնելով, որ վերջին հինգ տարիների ընթացքում այդ նախարարության բյուջեն կրկնապատկվել է։