Ուլյանովը՝ ԱՄՆ-ին․ Իրանի միջուկային էներգիայից օգտվելու իրավունքն անքակտելի է

Pars Today-ի հաղորդմամբ՝ IRIB-ին հղում անելով, Ուլյանովը, արձագանքելով ՄԱԿ-ում ԱՄՆ ներկայացուցչի հայտարարություններին, X սոցիալական ցանցում գրել է, որ Իրանը պարտավոր չէ հրաժարվել իր միջուկային ծրագրից, քանի որ դրանից օգտվելը երկրի անքակտելի և անօտարելի իրավունքն է։

Նա նաև նշել է, որ Իրանի միջուկային ծրագրի վերաբերյալ ԱՄՆ հանրապետական վարչակազմի դիրքորոշումը հիմնված է միջուկային չտարածման կանոնների և Ատոմային էներգիայի միջազգային գործակալության գործունեության վերաբերյալ սխալ պատկերացումների վրա։

ՄԱԿ-ում ԱՄՆ ներկայացուցիչ՝ Մայք Ուոլցը, ավելի վաղ Իրանին մեղադրել էր միջուկային ոլորտի կանոնները խախտելու մեջ։