ՆԱՏՕ-ն երկխոսության է ձգտում Ռուսաստանի հետ. Ստոլտենբերգ

ՆԱՏՕ-ն շարունակում է ձգտել Ռուսաստանի հետ կառուցողական երկխոսության: Ռուսաստանը չի կարող և չպետք է մեկուսացված լինի:

Ինչպես փոխանցում է РИА Новости-ն` նման հայտարարությամբ է հանդես եկել Հյուսիսատլանտյան դաշինքի գլխավոր քարտուղար Յենս Ստոլտենբերգը` ելույթ ունենալով Վարշավայի գագաթնաժողովում:

Դաշինքի ղեկավարը տեղեկացրել է, որ ՆԱՏՕ-ն ոչ մեկի համար սպառնալիք չի ներկայացնում և նոր « սառը պատերազմ» չի ցանկանում:

«Մենք շարունակում ենք ձգտել կառուցողական երկխոսության Ռուսաստանի հետ: Մոսկվան կարևոր դեր է խաղում Եվրոպայում և դրա շուրջ անվտանգության մարտահրավերները հաղթահարելու գործում», - լրագրողներին հայտնել է Ստոլտենբերգը:

orer.am

9/7/2016