Դիլմա Ռուսեֆը հրաժարվել է ինքնակամ լքել Բրազիլիայի նախագահի պաշտոնը

Սենատի որոշմամբ Բրազիլիայի նախագահի պաշտոնից ժամանակավոր հեռացված Դիլմա Ռուսեֆը հայտարարել է, որ մտադիր չէ ինքնակամ հեռանալ պաշտոնից, փոխանցում է Telesur ալիքը:

«Ես չեմ հանձնվի, ես ունեմ պատիվ և արժանապատվություն»,- ասել է նա:

Նշվում է, որ Ռուսեֆը նման հայտարարություն է արել Սան Պաուլոյում ֆեմինիստների հետ հանդիպման ժամանակ:

Հունիսի կեսերին Դիլմա Ռուսեֆը հայտարարել է, որ համաձայն է պետության ղեկավարի նոր ընտրություններին:

Մայիսի 12-ին Բրազիլիայի սենատը որոշում էր կայացրել ժամանակավոր հեռացնել երկրի նախագահ Դիլմա Ռուսեֆին իր պաշտոնից: Նա կասկածվում է կոռուպցիոն հանցագործությունների հետաքննությանը խոչընդոտելու համար։

shabat.am

9/7/2016