Հռոմի պապը հավատացյալներին կոչ է արել գթասրտորեն վերաբերվել մոլորակին
Սեպտեմբեր 01, 2016 15:36 Asia/Tehran
Հռոմի պապ Ֆրանցիսկոսը հավատացյալներին կոչ է արել ապաշխարել Աստծո արարչագործության հանդեպ իրենց գործած մեղքերի համար և վերաիմաստավորել իրենց վերաբերմունքը «մեր ընդհանուր տան» նկատմամբ գթասրտության ոգով:
Այս մասին հայտնում է RIA Novosti-ն:
«Աստված մեզ նվիրել է ծաղկող այգի, իսկ մենք այն վերածում ենք ավերակներով, անապատներով ու գարշելիությամբ կեղտոտված տիրույթի»,- ասվում է ուղերձում, որը Ֆրանցիսկոս պապն ուղղել է սեպտեմբերի 1-ին նշվող Աստծո արարչագործության պահպանման մասին Աղոթքի համաշխարհային օրվա առթիվ:
«Մենք չենք կարող նահանջել կամ անտարբեր լինել կենսաբազմազանության կորստի և էկոհամակարգերի փլուզման նկատմամբ, որոնք հաճախ պայմանավորված են մեր անպատասխանատու և եսասեր վարքով»,- նշվում է փաստաթղթում:
1in.am
Պիտակ
