ԵՏՀ-ն հավանություն է տվել գերմանական ասոցիացիայի հետ Համագործակցության հուշագրի տեքստին
Եվրասիական տնտեսական հանձնաժողովի Կոլեգիան սեպտեմբերի 6-ին հաստատել է Գյուղատնտեսական տեխնիկայի արտադրողների գերմանական ասոցիացիայի հետ Համագործակցության հուշագիրը:
Այս մասին "Արմենպրես"-ին հայտնեցին Եվրասիական տնտեսական հանձնաժողովի մամուլի ծառայությունից: Փաստաթուղթը պատրաստվել է ԵՏՀ Արդյունաբերական քաղաքականության գերատեսչության կողմից:
«Ասոցիացիայի հետ փոխգործակցությունը թույլ կտա լուծել խնդիրներ, որոնք ուղղված են Միության երկրներում գյուղատնտեսական սարքավորումների, մեքենաների արտադրության, ինչպես նաև արտահանվող գյուղտեխնիկայի զարգացման խթանմանը»,-նշել է նախարար Սերգեյ Սիդորսկին:
Հուշագրի ընդունումը թույլ կտա ապահովել ԵԱՏՄ երկրների միջպետական ու ազգային ստանդարտների հետագա ներդաշնակեցումը միջազգային այլ ստանդարտներին գյուղատնտեսական մեքենաշինության ոլորտում: Դրա համար նախատեսվում է նորմատիվ ու տեխնիկական փաստաթղթերի փոխանակում, համատեղ հանդիպումների կազմակերպում, խորհրդակցություններ, գիտապրակտիկ սեմինարներ, ինչպես փորձի փոխանակում ոլորտին առնչվող պահանջների հաստատման նպատակով:
Սերգեյ Սիդորսկին իրավասու է ստորագրել Հուշագիրը մոտ ժամանակներս:
Armenpress.am