Լավրովը եւ Ստոլտենբերգը քննարկել են Սիրիայի եւ Ուկրաինայի իրադրությունը
ՆԱՏՕ-ի գլխավոր քարտուղար Ենս Ստոլտենբերգը եւ Ռուսաստանի արտաքին գործերի նախարար Սերգեյ Լավրովը քննարկել Է Սիրիայի եւ Ուկրաինայի իրադրությունը, տեղեկացնում Է «Արմենպրես»-ը:
«Դա օգտակար հանդիպում Էր, քննարկեցինք Սիրիայի իրադրությունը, համաձայնության եկանք՝ շարունակելու երկխոսությունը պատերազմական ռիսկերի նվազեցման, թափանցիկության հարցերի շուրջը,- ասել Է նա:- Նաեւ քննարկեցինք Ուկրաինայի իրադրությունը»:
Ստոլտենբերգը նաեւ հայտարարել Է, որ հակված չԷ որեւիցե կողմի մեղադրել Սիրիայում կատարված ավիահարվածների համար:
«Հումանիտար ավտոշարասյան վրա գրոհն անընդունելի Է միջազգային իրավունքի տեսակետից,- ասել Է նա:- Ես չեմ շահարկի, թե ով Է գրոհել ավտոշարասյան վրա, կարեւոր Է իմանալ այն բոլոր փաստերը, թե ինչպես դա կարող Էր տեղի ունենալ», հաղորդել Է ՏԱՍՍ-ը:
Armenpress.am
