Շվեյցարիայում վերսկսվում է Կիպրոսի ղեկավարների միջև բանակցությունը
ՄԱԿ-ի խոսնակը հայտարարեց, որ Կիպրոսի նախագահն ու այդ կղզու թրքաբնակ բաժնի ղեկավարը համաձայնել են հանդիպելով միմյանց հետ բանակցել վերամիավորման հարցով:
«Ասոշիետդպրես»-ի հաղորդման համաձայն, ՄԱԿ-ի խոսնակներից Աըլիմ Սեդիղը հինգշաբթի օրն այս կապակցությամբ ասաց. «Կիպրոսի նախագահ Նիկոս Անաստասիադիսը և այդ կղզու թրքաբնակ հատվածի ղեկավար Մուսթաֆա Աքինչին նոյեմբերի 7-ից 11-ը բանակցությունների են մասնակցելու Շվեյցարիայի Մոնթ Փլերիենում և մտքերի փոխանակում են կատարելու երկու իշխանությունները ֆեդերալ կառավարության կառույցում միավորելու շուրջ»:
Աըլիմ Սեդիղը մի հաղորդագրությամբ նաև հավելել է. «Կողմերը հույսով են, որ Շվեյցարիայում կկարողանան ճամբա հարթել իրենց պարտավորությունների վերջին փուլի իրագործման համար և 2016 թվականին Կիպրոսի հարցի համար ինչ-որ լուծում գտնելու ուղղությամբ իրենց ջանքը կգործադրեն»:
1974 թվականին Կիպրոսում տեղի ունեցած հեղաշրջմանն ի պատասխան Թուրքիայի ոտնձգությունը հանգեցրեց այդ կղզու մասնատմանը: Թեև թուրքերը բնակվում են Կիպրոսի հյուսիսային, իսկ հույները՝ հարավային բաժիններում, սակայն միջազգային հանրության կողմից պաշտոնապես ճանաչվել է միայն Կիպրոսի հունաբնակ բաժինը:
