ԵՄ-ն կխստացնի հրազենի ձեռքբերման պայմանները

Եվրոպական միության երկրների ներքին գործերի նախարարները համաձայնության են հասել հրազենի նկատմամբ առավել խիստ կարգավորումներ սահմանելու հարցում:

Ինչպես հաղորդում է «Արմենպրես»-ը` վկայակոչելով Interfax-ը, այս որոշմամբ փոփոխություն է կատարվում 1991թ-ի կարգավորման մեջ:

«Համաձայնությունը ենթադրում է վերահսկողության ուժեղացում, որը թույլ կտա կանխարգելել ահաբեկիչների և քրեական հանրույթների ներկայացուցիչների կողմից հրազենի ձեռքբերումը»,- հայտարարել է ԵՄ-ում նախագահող Սլովակիայի ներքին գործերի նախարար Ռոբերտ Կոլինյակը:

Armenpress.am