Շուլցը ահազանգել է ԵՄ-ի առջև ծառացած խնդիրների կապակցությամբ
Եվրախորհրդարանի նախագահ Մարտին Շուլցը զգուշացրել է, որ Բրեքզիթի և աջակողմյանների ձեռնարկած քայլերի պատճառով Եվրամիությունը հայտնվել է բազում խնդիրների առջև:
Իրանի ռադիո-հեռուստատեսության լրատվական ծառայության փոխանցմամբ՝ Եվրախորհրդարանի նախագահ Մարտին Շուլցը բրիտանական Գարդիան թերթին տված հարցազրույցում ասել է.«Քանի որ եվրոպական երկրների ղեկավարները ԵՄ-ի կողմնորոշման հարցում չեն կարողանում համոզել իրենց քաղաքացիներին, այդ միությունը հայտնվել է բազում խնդիրների առջև»:
Եվրախորհրդարանի նախագահի խոսքերով՝ ազգային կառավարությունները չունեն քաղաքական համարձակություն պոպուլիստ աջակողմյաններին դիմակայելու համար:
«Եվրամիության քաղաքական կառուցվածքը փոփոխությունների կարիք ունի: Բրյուսելում դիվանագետները թերագնահատել են արևելյան և արևմտյան Եվրոպայի երկրների միջև մշակութային տարբերությունները»,ասել է Մարտին Շուլցը:
