Լեհաստանում և Իտալիայում սառնամանիքները մարդկային կյանքեր են խլել
Լեհաստանում վերջին երկու օրում ուժգին սառնամանիքները դարձել են 10 մարդու մահվան պտճառ։
Այս մասին հայտնում է AFP գործակալությունը՝ հղում անելով իշխանություններին։
«7 մարդ մահացել է ուրբաթ, այդ օրը եղել է ձմռան սկզբից ամենամահաբերը։ Եվս 3 մարդ մահացել է երեկ»,-հայտարարել է Լեհաստանի անվտանգության պետական կենտրոնի ներկայացուցիչը։
Օդերևութաբանները կանխատեսում են, որ այսօր ջերմաստիճանը մի շարք շրջաններում կհասնի -14-ի։
Ոստիկանությունը կոչ է արել բնակչությանը օգնություն ցուցաբերել մարդկանց, ովքեր գտնվում են ցրտահարության ռիսկի տակ։ Խոսքը, մասնավորապես, անօթևանների մասին է։ Իշխանությունները մտավախություն ունեն, որ ցրտահարության զոհերի թիվը կարող է աճել։
Իտալիայում սառնամանիքների զոհն է դարձել 7 մարդ։ Օդերևութաբանական ծառայությունների տվյալներով՝ Ալպերում ջերմաստիճանը նվազել է մինչև -27 աստիճան, իսկ հովիտներում ու կենտրոնում, օրինակ՝ Հռոմում, մինչև -5։
1in.am
