Ճապոնացի ձկնորսները 60 տարի է ինչ ԱՄՆ-ից հատուցում են պահանջում
Մի խումբ ճապոնացի ձկնորսներ, որոնք տարիներ առաջ հայտնվել էին ԱՄՆ-ի միջուկային փորձարկումներից մեկի ճառագայթների տակ, 60 տարի անց դեռ փորձում են վերականգնել իրենց իրավունքները և հատուցում պահանջել այդ երկրից:
1954թ. մարտ ամսի սկզբին, «Ֆոկորիո Մարո» նավի նավաստիներից 23-ը, ովքեր խաղաղ օվկիանոս էին դուրս եկել ձկնորսության նպատակով, ԱՄՆ-ի կողմից «Մարշալյան» կղզիներում ջրածնային ռումբի փորձարկման հետևանքով մարմնական խիստ վնասվածքներ ստացան:
Առայսօր և այդ դեպքից ավելի քան 60 տարի անց, ձկնորսներից մի քանիսը մահացել են, իսկ ողջ մնացածները դեռ չեն կարողացել հատուցում ստանալ ԱՄՆ-ից:
Այդուհանդերձ, այսօր երկուշաբթի փետրվարի 22-ին, ըստ ճապոնական NHK հեռուստատեսության կողմից տարածված տվյալների՝ քաղաքացիական մի խմբակցություն հավաքագրելով վավերագրական ու օրինական փաստեր, մտադիր է այն ներկայացնել համապատասխան կառույցներին և վերականգնել հիշյալ ձկնորսների ոտնահարված իրավունքները:
Սա այն դեպքում, երբ ԱՄՆ-ն խիստ ճնշումներ է գործադրում ու պատժամիջոցներ է կիրառում Հյուսիսային Կորեայի նկատմամբ այն բանից հետո երբ անցած ամսվա ընթացքում վերջինս փորձարկել է 4-րդ ջրածնային ռումբը:
Ատոմային երկու ռումբեր նետելով Ճապոնիայի Հիրոսիմա և Նակազակի քաղաքների վրա, որի հետևանքով զոհվեցին հազարավոր անպաշտպան քաղաքացիներ, ԱՄՆ-ն պատմության ընթացքում ատոմային ռումբ կիրառող միակ երկիրն է համարվում:
