Թուրքիան ցանկանում է քաղաքական ու ռազմական ներկայություն ունենալ Պարսից ծոցի եզերքում
Թուրքիայի նախագահը Պարսից ծոցի երեք երկրներ կատարած ուղևորության վերջին փուլում բարձրաստիճան մի պատվիրակություն գլխավորելով՝ Կատարի պաշտոնատարների հետ հանդիպման նպատակով ժամանել է Դոհա:
Դոհա կատարած ուղևորության ընթացքում Էրդողանին ընկերակցում են Թուրքիայի բանակի շտաբի պետ գեներալ Խոլուսի Աքարը, ԱԳ նախարար Մևլութ Չավուշօղլուն, ինչպես նաև էներգետիկայի, էկոնոմիկայի ու պաշտպանության նախարարները և Թուրքիայի տեղեկատվական կազմակերպության պետը:
Երկկողմ հարաբերությունների ընդլայնումն ու խորացումը, տարածաշրջանային ու միջազգային զարգացումների շուրջ խորհրդակցությունը և ռազմավարական հարաբերությունների ամրապնդումը Թուրքիայի նախագահի այցի նպատակներից են հայտարարվել:
Ռազմական հարաբերությունների ընդլայնումը և հատկապես Կատարում Թուրքիայի ռազմաբազայի ընդլայնումն այս ուղևորության նպատակներից են համարվում: Այդ ռազմաբազայում են տեղակայված Թուրքիայի ցամաքային ուժի 3000 զորայիններ:
Պարսից ծոցի եզերքին գտնվող մի երկրում Թուրքիայի ռազմական ներկայությունը գեոպոլետիկական տեսակետից վկայում է տարածաշրջանի ռազմական զարգացումների հանդեպ Թուրքիայի կողմնորոշման փոփոխության մասին:
