Թրամփ. Մեծ ցանկություն ունեմ, որ ԱՄՆ-ի դեսպանությունը տեղափոխվի Երուսաղեմ
ԱՄՆ սկանդալային նախագահ Դոնալդ Թրամփը չորեքշաբթի օրը Սպիտակ Տանը Իսրայելի վարչապետ Բենյամին Նեթանյահուի հետ համատեղ ասուլիսի ժամանակ ասել է, որ մեծ ցանկություն ունի, որպեսզի ԱՄՆ-ի դեսպանությունը տեղափոխվի զավթված Երուսաղեմ :
«Press TV»-ի հաղորդման համաձայն` Դոնալդ Թրամփն այդ մամուլի ասուլիսի ժամանակ ՀԳՀԾ-ի կապակցությամբ ասել է. «Իրանի հետ միջուկային համաձայնությունը մինչ օրս իմ տեսած ամենավատ համաձայնություններից մեկն է»:
ԱՄՆ նախագահը նշել է, որ իր կառավարությունը շրջափակումներ է գործադրել Իրանի դեմ և շարունակելու է այդ քաղաքականությունը: Նա հայտարարել է, որ այդ շրջափակումները նպատակ ունեն վստահություն ստեղծել այն մասին, որ Իրանը միջուկային զենք չի արտադրի:
Մամուլի ասուլիսի ժամանակ Սիոնիստական ռեժիմի վարչապետը շնորհակալություն հայտնելով Իսրայելի հանդեպ ԱՄՆ-ի անսակարկ հովանավորության համար, հայտարարել է, որ այդ մանկասպան ռեժիմը որոշ երկրների թշնամական ու անարդար մոտեցումների զոհն է համարվում:
Նեթանյահուն նշել է, որ Իրանի միջուկային խաղաղանպատակ ծրագիրը սպառնալիք է համարվում Իսրայելի անվտանգության համար:
