Հյուսիսային Կորեան չորս նոր հրթիռ է արձակել դեպի Ճապոնական ծով
Ճապոնիայի վարչապետ Սինձո Աբեն հայտարարել է, որ Հյուսիսային Կորեան չորս բալիստիկ հրթիռ է արձակել դեպի Ճապոնական ծով:
Ճապոնիայի վարչապետ Սինձո Աբեն ասել է.«Հյուսիսային Կորեայի կողմից արձակված երեք բալիստիկ հրթիռները ընկել են Ճապոնիայի բացառիկ տնտեսական գոտում»:
Ճապոնիայի վարչապետ Սինձո Աբեն իր անհանգստությունն ու վրդովմունքն է հայտնել տեղի ունեցածի կապակցությամբ՝ ասելով, որ անհապաղ ՄԱԿ-ի Անվտանգության խորհրդի արտահերթ նիստ է պահանջելու, որպեսզի քննարկվի անվտանգության բանաձևի այս կոպտագույն խախտումը:
Ճապոնացի պաշտոնատարների խոսքերով՝ դեռևս տեղեկություններ չկան արձակված հրթիռների պատճառած վնասների մասին:
Փխենյանի այդ քայլը կարող է բացահայտ բողոք լինել ԱՄՆ-ի և Հարավային Կորեայի համատեղ զորավարժության անցկացման դեմ:
Փխենյանը բազմիցս ընդգծել է, որ քանի դեռ ԱՄՆ-ն ու նրա դաշնակիցները շարունակում են իրենց սպառնալիքներն ընդդեմ Հյուսիսային Կորեայի , այդ երկիրը կշարունակի ամրապնդել իր ռազմական կարողությունները:
