Էրդողանը մեղադրել է Մերկելին ահաբեկչության աջակցության մեջ
Թուրքիայի նախագահ Թայիփ Էրդողանը մեղադրել է Գերմանիայի կանցլեր Անգելա Մերկելին ահաբեկիչներին աջակցելու մեջ: Այդ մասին հայտնում է Franc Press գործակալությունը:
Ավելի վաղ Գերմանիայի արտգործնախարարը նախազգուշացրել է Գերմանիայի քաղաքացիների համար հնարավոր վտանգի մասին Թուրքիայում հանրաքվեի ժամանակ:
«Տիկին Մերկել, ինչու՞ եք դուք թաքցնում ահաբեկիչներին ձեր երկրում: Ինչու՞ դրա հետ որևէ բան չեք անում»,- Էրդողանի խոսքերն է մեջբերում գործակալությունը:
Թուրքիայի նախագահը նաև մեղադրել է Մերկելին նրանում, որ վերջինս Նիդերլանդների կողմն է պաշտպանել վերջին իրադարձություններից հետո ստեղծված սկանդալում, երբ Նիդերլանդների իշխանությունները թույլ չեն տվել, որ Թուրքիայի արտգործնախարարի ինքնաթիռը վայրէջք կատարի երկրում:
Ավելի վաղ ասվել է, որ Գերմանիայի տեղական իշխանությունները չեղյալ էին հայտարարել Թուրքիայի արդարադատության նախարար Բեքիր Բոզդաղի ելույթը Գերմանիայի Գագգենաու քաղաքում:
Կատարվածի քննադատությամբ էր հանդես եկել նախագահ Էրդողանը, ով հայտարարել էր, թե Գերմանիայի պահվածքը նմանվում է նացիստների գործելաոճին: Էրդողանի հայտարարությունը կրկնել էր նաև արտգործնախարար Չավուշօղլուն:
1in.am
