Բողոքի ակցիա Բելառուսում. բերման է ենթարկվել ավելի քան 100 ցուցարար

Բելառուսում բողոքի ակցիայի ժամանակ բերման է ենթարկվել ավելի քան 100 մարդ, հաղորդում է BBC-ն:

Բերման ենթարկվածների թվում են բելառուսական եւ ռուսաստանյան լրատվամիջոցների լրագրողներ:

Ակցիայի մասնակիցները՝ շուրջ 500 մարդ,  հավաքվել են մետրոպոլիտենի «Գիտությունների ակադեմիա» կայարանի մոտակայքում: Նրանք հնչեցրել են  «Ժիվյե Բելառուս», «ֆաշիստներ» եւ այլ վանկարկումներ:

Երթի ժամանակ ուժայինները փակել են ցուցարարների ճանապարհը, այնուհետ շրջապատել թիկունքից եւ սկսել են բերման ենթարկել նրանց:

Մինսկի կենտրոնում անվտանգության ուժեղացված միջոցառումներ են ձեռնարկվել:

galatv.am