ԱՄՆ պետքարտուղար Թիլերսոնը ապրիլի 11-12-ին կայցելի Մոսկվա
ԱՄՆ պետքարտուղար Ռեքս Թիլերսոնը ապրիլի 11-12-ին աշխատանքային այցով կայցելի Մոսկվա:
Այդ մասին հայտնում է Ռուսաստանի ԱԳՆ կայքը: Դա կլինի նրա առաջին այցը որպես պետքարտուղար Դոնալդ Թրամփի վարչակազմում:
Թիլերսոնը կհանդիպի Ռուսաստանի արտգործնախարար Սերգեյ Լավրովի հետ: Ենթադրվում է, որ նրանք կքննարկեն միջազգային անվտանգության արդիական հարցերը, այդ թվում՝ ահաբեկչության դեմ պայքարը, Սիրիայի իրավիճակի, պաղեստինա-իսրայելյան, Եմենի, Լիբիայի, Աֆղանստանի և այլ հակամարտությունների կարգավորումը, ինչպես նաև Կորեական թերակղզու:
«Չի կարող անտեսվի Ուկրաինայի իրավիճակը` շեշտը դնելով Մինսկի համաձայնությունների կատարման Կիևի պարտականությունների վրա: Կարող է քննարկվել սպառազինության վերահսկման թեման»,- ասված է ՌԴ ԱԳՆ հաղորդագրությունում:
Ռուսական կողմը ակնկալում է, որ « ԱՄՆ նոր պետքարտուղարի այցը կօգնի ռուս-ամերիկյան հարաբերությունները դնել կայուն զարգացման վրա, թույլ կտա բարձրացնել փոխըմբռնման մակարդակը»:
«Դա կբխի ոչ միայն մեր երկրների շահերից, այլ ողջ աշխարհի, կնպաստի ամրացնել գլոբալ կայունությունը»,- նշել են ԱԳ նախարարությունում:
1in.am
