Դոնալդ Թրամփը քննադատել է Բարաք Օբամային
ԱՄՆ նախագահը քննադատել է այդ երկրի նախկին վարչակազմի վարած արտաքին քաղաքականությունը:
ԻՌՆԱ-ի հաղորդման համաձայն` ԱՄՆ նախագահ Դոնալդ Թրամփը երկուշաբթի օրը գրառում կատարելով հայտարարել է, որ իր նախագահության առաջին 90 օրերը բացահայտեցին անցած ութ տարիների արտաքին քաղաքականության ընդհանուր ձախողումը:
Քննադատելով նախկին նախագահ Բարաք Օբամայի արտաքին քաղաքականությունը, Թրամփն անդրադարձել է միջուկային հրթիռ արձակելու Հյուսիսային Կորեայի առաջնորդ Կիմ Ջունգ Ունի վճռականությանը:
Դոնալդ Թրամփը նշել է. «Կեղծ ԶԼՄ-երի աշխատանքն ընտրություններից հետո վատացել է: Բոլոր լրատվական թեմաները ամենավատ կերպով աղավաղվում են: Պետք է նրանց պարտադրենք, որ հավատարիմ մնան ճշմարտությանը»:
Իր պաշտոնավարության շրջանն սկսելուց հետո Թրամփը բազմիցս քննադատել է ԱՄՆ-ի ԶԼՄ-ներն ու նաև Օբամային:
Հյուսիսային Կորեան քննադատելով ամերիկացի զորայինների տարածաշրջան գործուղվելը հայտարարել է. «Վաշինգտոնը նման քայլերով վտանգել է Կորեական թերակղզու խաղաղությունն ու անվտանգությունը»:
Փխենյանը նաև ընդգծել է, որ քանի դեռ ԱՄՆ-ն ու նրա դաշնակիցները շարունակում են Հյուսիսային Կորեայի դեմ սպառնալիքները, այդ երկիրն իր հերթին կընդլայնի իր ռազմական և կանխարգելիչ հարձակման անցնելու կարողությունը:
