Մերկել. Եվրոպայի հետ Թուրքիայի հարաբերությունները լավ վիճակում չեն
Գերմանիայի կանցլերը հինգշաբթի օրն ասել է. «Թուրքիայի վերջին զարգացումների արդյունքում, Գերմանիայի ու Եվրոպայի հետ Անկարայի հարաբերությունները լավ պայմաններում չեն գտնվում »:
«Ֆրանս 24» հեռուստակայանի հաղորդման համաձայն` Անգելա Մերկելը հինգշաբթի օրն այդ երկրի խորհրդարանում ունեցած ելույթում նշել է, որ Թուրքիայում գերմանացի լրագրողի կալանավորումը և այդ երկրի սահմանադրական բարեփոխումների հանրաքվեից առաջ տիրող քարոզչական անհավասար պայմանները Թուրքիայի հետ Գերմանիայի և եվրոպական երկրների տարաձայնությունների սրման պատճառներից են:
Գերմանիայի կանցլերն ընդգծել է, որ միմյանց թիկունք դարձնելը չի բխում ոչ Թուրքիայի և ոչ էլ ԵՄ-ի շահերից: Նա Անկարային կոչ է արել հարգել այդ երկրի ժողովրդի իրավունքները:
Մերկելը թուրք պաշտոնատարների հետ բանակցությունների վերսկսման հույս է հայտնել, նշելով, որ առաջիկա շաբաթ օրը նախատեսված ԵՄ-ի անդամ երկրների գագաթնաժողովում քննարկվելու է Թուրքիայի կապակցությամբ այս տարածաշրջանի ապագա քաղաքականությունը:
Անկարայի ու Բեռլինի միջև տարաձայնությունը սրվեց Թուրքիայի սահմանադրական բարեփոխումների հանրաքվեին նախորդած քարոզարշավի ընթացքում:
Եվրոպական շատ երկրներ դեմ գնալով այս հանրաքվեին դա ժողովրդավարության ճամբին արգելք էին համարել:
