Ռուսաստանն ընդգծել է ՀԳՀԾ-ի միջազգային նշանակությունը
ՌԴ ԱԳՆ սպառազինությունների վերահսկման և չտարածման հարցերով դեպարտամենտի ղեկավար՝ Միխայիլ Ուլյանովն ասել է.«Համատեղ գործողությունների համապարփակ ծրագիրը հավասարակշռված պայմանագիր է և հիմնված է NPT դաշինքի վրա», այս մասին հայտնել է ԻՌՆԱ լրատվական գործակալությունը:
Հինգշաբթի օրը Վիեննայում տեղի ունեցած Միջուկային զենքի չտարածման մասին պայմանագրի՝ NPT-ի վերանայման կոնֆերանսի նախապատրաստման կոմիտեի նիստում կարևորելով Համատեղ գործողությունների համապարփակ ծրագրի նշանակությունը, ՌԴ ԱԳՆ սպառազինությունների վերահսկման և չտարածման հարցերով դեպարտամենտի ղեկավար՝ Միխայիլ Ուլյանովը հայտարարել է.«Թեհրան- Վեցյակ համաձայնագիրը բոլոր կողմերի համար հավասարակշռված պայմանագիր է, որը հիմնված է միջուկային զենքի չտարածման դաշինքի վրա»:
Միխայիլ Ուլյանովը հավելել է.«50-ամյա գործունեության ընթացքում Միջուկային զենքի չտարածման մասին պայմանագիրը (NPT) մշտապես եղել է համաշխարհային անվտանգության անկյունաքարը ,որի շրջանակում կարգավորվել են միջազգային մարտահրավերները: Իսկ դրա վառ ապացույցը Համատեղ գործողությունների համապարփակ ծրագիրն է»:
Ռուս պաշտոնյայի խոսքով՝ ՀԳՀԾ-ը զգայուն ու կշռադատված համաձայնագիր է,որի շրջանակում բոլոր երկրները պետք է կատարեն իրենց ստանձնած պարտավորությունները:
Միջուկային զենքի չտարածման մասին պայմանագրի (NPT) վերանայման կոնֆերանսի նախապատրաստման կոմիտեն երեքշաբթի օրը Ավստրիայի մայրաքաղաք Վիեննայում գումարել է իր առաջին նիստը:
