Էստոնիայում զորավարժություններ են սկսվել
Մայիս 08, 2017 19:25 Asia/Tehran
Էստոնիայի բանակի գլխավոր շտաբը տեղեկացրել է այդ երկրում ՆԱՏՕ-ի լայնածավալ զորավարժությունների մեկնարկի մասին:
Sputnik գործակալության հաղորդմամբ՝ Էստոնիայի բանակի գլխավոր շտաբը հայտարարել է, որ «Գարնանային փոթորիկ-2017» լայնածավալ զորավարժությունները մեկնարկել են ՆԱՏՕ-ի անդամ և դաշնակից երկրների զինծառայողների մասնակցությամբ: Զորավարժություններին, որոնք կանցկացվեն հիմնականում երկրի հյուսիսում և հյուսիս-արևելքում, մասնակցում է շուրջ 9 հազար մարդ, ընդ որում 13 երկրի 2300 զինծառայողներ:
Մասնակից երկրների թվում են ԱՄՆ-ը, Բրիտանիան, Ֆրանսիան, Դանիան, Կանադան, Գերմանիան, Նիդերլանդները, Լեհաստանը, Ֆինլանդիան, Շվեդիան, Լատվիան, Լիտվան, Ուկրաինան և Վրաստանը:
«Գարնանային փոթորիկը» կտևի ավելի քան 2 շաբաթ և կավարտվի մայիսի 26-ին:
Պիտակ
