Չինաստանը Հյուսիսային Կորեային կոչ է արել վերադառնալ բանակցության սեղանի մոտ
Հակադարձելով Հյուսիսային Կորեայի հրթիռային փորձարկումներին, Չինաստանի ԱԳ նախարարությունն այդ երկրին կոչ է արել անհրաժեշտ պայմաններ ապահովել Կորեական թերակղզու խնդիրների կարգավորման համար բանակցային սեղանին վերադառնալու համար:
«Reuters» գործակալության հաղորդմամբ՝ Չինաստանի ԱԳՆ-ը հայտարարել է.«Ներկայիս իրավիճակը չափազանց բարդ ու զգայուն է Կորեական թերակղզում: Պեկինը հուսով է, որ բոլոր կողմերը՝ մասնավորապես Փխենյանն ինքնազսպվածություն են ցուցաբերելու»:
Հարավային Կորեայի բանակի գլխավոր շտաբը հայտարարել է, որ Հյուսիսային Կորեան երկուշաբթի առավոտյան բալիստիկ հրթիռ է արձակել Վոնսան քաղաքից:
Հարավային Կորեայի տարբեր քաղաքներում՝ հատկապես մայրաքաղաք Սեուլում բողոքարարները պահանջել են դադարեցնել ԱՄՆ-ի «Թադ» հակահրթիռային համակարգի տեղակայումը և վերջ դնել Կորեական թերակղզում այդ երկրի ռազմական քայլերին:
